Manni trölli benti mér á þvílíkt sniðugt forrit sem heldur utan um allar digital myndirnar manns. Það er hægt að gera fullt af gumsi í því og þar á meðal losa sig við rauð augu. Snilldar fídus! Forritið heitir Picasa 2 og má finna hér!

Myndirnar frá Sunnu síðan á miðvikudaginn eru svo hér! Takið eftir því hvað lítið er af rauðum augum þar. Rarr!

Ég er ferlega ósáttur við að hafa ekki verið beðinn um að taka þátt í danshluta myndbandsins við júróvisjonlagið hennar Selmu. Mér finnst vegið að mér sem dansara!

Ég fór í gær á Heilsuverndarstöðina á Barónsstíg til að láta sprauta mig við allskonar gumsi sem maður gæti fengið í Tælandi. Sprauturnar voru fjórar og ég fór ekki að gráta! Ég er hönk . . .

Skelfing
Ég var að koma heim úr tónheyrnarstöðuprófinu fyrir LHÍ rétt í þessu. Prófið var tvískipt og gekk skriflegi fyrri parturinn þokkalega miðað við að tíu ár eru síðan ég hef staðið í gumsi sem þessu. Ég get nú hins vegar ekki sagt að seinni hlutinn hafi verið glæsilegur! Ég var að drepast úr stressi og jafnvel gríðarlegur þokki minn náði ekki að vinna upp á móti örvæntingafullu loftkenndu hryglunum sem ég gaf frá mér í prófinu. Kennarinn var nú ekki sérlega skilningsríkur heldur. Í stað þess að segja " Nona, nona Egill. Viltu dleikjó?" virtist hann frekar pirraður á mér og bað mig meira að segja að taka höndina frá munninum á meðan ég væri að syngja. Ég held að þetta hafi gengið samt nógu vel en hefði örugglega gengið mun betur hefði ég verið fullur!

Það var hringt í mig frá Listaháskólanum þegar ég var í miðju smokkfiskspoti í dýrafræðinni áðan. Það var verið að boða mig í inntökupróf á föstudaginn og laugardaginn og svo í viðtal þann 9. apríl. Á föstudaginn er próf í tónheyrn þar sem ég þarf mjög líklega að syngja einhverjar laglínur af blaði. Það er hreinasta skelfing! Ég, eins og flestir sem mig þekkja vita, kann nefnilega ekkert að syngja! Ef ég ætla mér að syngja einhverja ákveðna nótu fer allt í gums og útkoman er vægast sagt tilviljunakennd. Snökt. . .

Svo er tónfræðiprófið klukkan níu á laugardaginn! Það er algjört gums!


Solla í félagsskap hönks að misþyrma beitukóngi fyrr í dag

Beggi stuð er búinn að koma sér upp bloggsíðu á ný en hana má finna hér! Ef hann heldur áfram skammlaust og skemmtilega gæti hann fengið eftirsótt pláss hér í tenglasafninu mínu. Eitt af því fyrsta sem hann bloggaði um er vitaskuld mín síða en hann fann einhverja síðu þar sem hægt er að sjá hvernig sokkasafinn hefur þróast í gegnum árin. Það ætti að rifja upp ýmsar minningar ;) Sjá hér!

Svo ætlar Ingiböllurinn að koma með mér til Tælands. Ég vona að hann verði sér ekki til skammar með þeim dólgshætti sem ætíð hefur einkennt hann!

Ég fann mig gjörsamlega knúinn til þess að deila með öllum hversu óhemju fagurt barn ég var. Sjá hér!

Ég sótti formlega um í tónsmíðadeild LHÍ í gær og skilaði inn möppu og öllum græjum. Dálítið skrýtin tilfinning en vafalaust frábær tilbreyting frá ormseggjunum sem ég var að skoða í hrossaskítnum í verklegu núna áðan ;)

Jæja! Þá er komið að því! Nú eiga allir að skeina sér fram og til baka og til hægri og vinstri svo ég komist til Tælands í vor. Ég er nefnilega með hágæða klósettpappír til sölu, vísindaprófaðan af NASA á flestum þarmagerðum. Þeir sem neita að kaupa af mér pappírinn fara beint á svartan lista og mega búast við einhverjum hræðilegheitum!

Ég vildi bara hvetja ykkur öll til þess að fara út og rispa með lykli á bíla: Haukur best! kt: 0311813569

Hvað er þetta mikið súrealískt gums? Pýramídarnir og svo Karen! Þetta er örugglega gert í photoshop. . .


Ein sem hefði átt að taka með sér greiðu